ავტორი: გრიგოლ ღვანია

გრიგოლ ღვანია

მხატვარი, დაამთავრა მოსე თოიძის სახელობის სასწავლებელი, მოგვიანებით კი თბილისის სახელმწიფო სამხატვრო აკადემია. ჰქონდა არაერთი ჯგუფური და პერსონალური გამოფენა:
ჯგუფური გამოფენები: ამერიკის შეერთებული შტატები- 1991წ; ესპანეთი- 2017წ; “sfumato gallery ” – საქართველო – 2017წ
პერსონალური გამოფენები: ლიტვაში-2014წ (სადაც ის 25-ჯერ მიიწვიეს); “sfumato gallery ” საქართველო-2014წ; „არტ ვაკე“-2017წ. საერთაშორისო პლენერი 2012წ; საერთაშორისო პლენერი “წელიწადის ოთხი დრო” და ეს მხოლოდ მცირე ჩამონათვალია.
2022 წელს, ფოთში გეგმავს საერთაშორისო პლენერს, სახელწოდებით “პალიტრა”, რომელიც ყოველწლიურ ხასიათს მიიღებს.
გრიგოლ ღვანიას ხშირად ასე მოიხსენიებენ – “ლამაზი სახურავების მხატვარი ნიკო ნიკოლაძის ქალაქიდან”, რადგანაც ბოლო პერიოდში საოცარი სახლების ხატვამ გაიტაცა… მისი ლამაზსახურავიანი სახლებით სავსე ქუჩები გაჯერებულია მზის შუქით და სითბოთი, თითქოს ნაცნობია ქუჩის ყველა კუთხე და ეზო. ფერთა გამა საოცრად ცოცხალი და ჟღერადია, თუმცა არა მყვირალა. მათი ნახვისას, თითქოს სუფთა ჰაერი სახეში გხვდება და მზე თვალებში გაჭყიტებს…
თვლის, რომ თუ კი “მხატვარს პალიტრა სუფთა აქვს, ე. ი მხატვარი გარდაცვლილია”, მისი პალიტრა კი საოცარი ფერებითაა სავსე და მას ძიება ჯერაც არ დაუსრულებია.
გრიგოლ ღვანიას ნამუშევრები ინახება როგორ საქართველოში, ასევე საზღვარგარეთ კერძო კოლექციებში. ამჟამად ხელმძღვანელობს ფოთის სამხატვრო სკოლას.