დაგვიკავშირდით: (+995) 599 040 999

მიუხედავად იმისა, რომ დღეს მსოფლიოს ერთი საფიქრალი და საზრუნავი აქვს, რომელსაც კორონა ქვია, ხელოვნება აქტუალობას და რაც მთავარია ფასს არ კარგავს და აი 2020-ის ყველაზე ძვირადღირებული 10 ნახატი

ათეულში მე-10 ადგილზეა გუსტავ კლიმტის

“ადელ ბლოხ-ბაუერის პორტრეტს”, რომელიც მხატვარმა 1907 წელს, ავსტრიელი მეწარმის, ადელის მეუღლის- ფერდინანდ ბლოხის შეკვეთით დახატა.
არსებობს ვერსია, თუ რატომ დაუკვეთა ფერდინანდმა მეუღლის პორტრეტი სწორედ კლიმტს, თუმცა ამ ვერსიის პირადული მოტივების გარდა, მნიშვნელოვანი იყო ქალის სოციალური სტატუსის ხაზგასმა და მისი გამოსახვა მთელი დიდებულებით, იგი ერთგვარი კვინტესენციაა კლიმტის შემოქმედების “ოქროს პერიოდისა” , ამ სიტყვის პირდაპირი გაგებით, რადგანაც გარდა იმისა, რომ ნახატი კლიმიტის მოღვაწეობის პიკშია შექმნილი, ნამუშევარში სუფთა ოქროს ფირფიტებია გამოყენებული, თუმცა ის საოცრად ზომიერია და სულაც არ გამოიყურება გადაჭარბებულად. აქ ნათლად ჩანს კლიმტის განსწავლულობა ფერწერაში, მისი რეალისტური და დეკორატიული სტილი, გამოსახვის ფიგურული და აბსტრაქტული  ხერხები საოცარი ოსტატობით  ერწყმის ერთმანეთს.
“ადელ ბლოხ-ბაუერის პორტრეტის” ღირებულება დღეს 135 მილიონ დოლარს აღწევს.

მე-9 ადგილი უჭირავს პიერ იოგუსტ რენუარის

ნამუშევარს მეჯლისი მულენ დე ლა გალეტში”
ნახატი 1867 წლით თარიღდება და  იმპრესიონიზმის ამ ბრწყინვალე შედევრის შექმნაში, როგორც ცნობილია, უშუალოდ  რენუარის მეგობრები პოზიორობდნენ.  ნამუშევარი რენუარის შემოქმედებაში ერთ-ერთი საუკეთესოთაგანია, აქ ცხადად ჩანს მხატვრის საოცარი უნარი და მანერა ლაქობრივი შუქის დაჭერის და გადმოცემისა.
პარიზის  საშუალო  ფენის დასვენების ჟამის ამსახველი ეს  სურათი ხიბლავს მნახველს,  ფორმითა და მოძრაობით შევსებული არეები  ოსტატურად ენაცვლება ერთმანეთს და წარუშლელ შთაბეჭდილებას ტოვებს ხელოვნების მოყვარულებზე.
მისი ღირებულება 143 მილიონი დოლარი გახლავთ.

მე-8 ადგილზეა ვინსენტ ვან გოგის

მკურნალი  “ექიმი გაშეს პორტრეტი”, რომელიც მხატვარმა გარდაცვალებამდე 1 თვით ადრე შექმნა. საინტერესოა ფაქტი, რომ ვინსენტს ექიმი გაცნობის პირველ დღეებში სულაც არ მოსწონდა, რაც  ძმისთვის მიწერილი წერილებით დასტურდება-„უპირველეს ყოვლისა ის ჩემზე ავადაა, როდესაც ერთ ბრმას  მეორე ბრმა მიჰყავს, დიდი ალბათობით ორივე თხრილში გადავარდება“,წერდა ის ძმას.  თუმცა, მოგვიანებით დას-ვილჰელმინას  მისწერს, რომ მან  მეორე ძმა იპოვნა, რომელთანაც უდიდეს ფიზიკურ და მენტალურ კავშირს განიცდის.
ალბათ ამ უკანასკნელით  აიხსნება ის, რომ ვან გოგს დიდი ხნით ადრე ჰქონდა ჩანაფიქრში  ექიმის  დახატვა, სწორედ ისეთი, ღრმა შინაგანი ემოციის გადმომცემი პორტრეტის, რომელიც ადამინის ნამდვილ ბუნებას , მის სულს აჩვენებს მაყურებელს და არა მხოლოდ ფიზიკურ მსგავსებას.
ნამუშევარის ღირებულება დღეს 152 მილიონ დოლარს შეადგენს.

მე-7 ადგილი პაბლო პიკასოს

“სიზმარს” ეკუთვნის, ტილოზე  მხატვარს საკუთარი მუზა მარია-ტერეზა უოლტერი ყავს გამოსახული.  მარი-ტერეზა პიკასოს მაშინ შეუყვარდა, როდესაც ჯერ კიდევ ოლგა ხოხლოვაზე იყო დაქორწინებული, მასთან დაშორების მიზეზი კი მხატვრის შემდეგი მუზა- დორა მაარი გახდა.
ნამუშევარში პიკასოს გამუდმებული ექსპერიმენტების ნიშნები იკითხება, ბევრი თვლის, რომ ეს კუბისტური ნამუშევარია, თუმცა მასში მხატვრის სურეალისტური პერიოდი შეინიშნება, ფერთა გამით კი ფოვიზმისკენ მიგვითითებს.
ნახატში მძინარე ახალგაზრდა ქალის გახსნილ პოზას სექსუალური თემა შემოაქვს, ხელოვნებათმცოდნეების მიერ დეტალური ანალიზის შედეგად წარმოიშვა აზრი, რომ პიკასომ  საკუთარი პენისის აბსტრაგირებული ვერსია შექმნა და შენიღბულად გადმოსცა ქალის ამოტრიალებულ სახეზე . ასეთი აბსტრაქტული ეროტიზმი მეოცე საუკუნის ბევრი მხატვრის ნამუშევარში შეგვიძლია ამოვიკითხოთ.
ნახატის დღევანდელი ღირებულება 158 მილიონი დოლარია.

მე-6 ადგილზეა ჯექსონ პოლოკი ნამუშევრით “N5”

აბსტრაქციული ექსპრესიონიზმის ლიდერის შემოქმედების მთელი დიდებულება, სწორედ რომ მის რადიკალური აბსტრაქციონიზმის სტილის განვითარებაშია,  განაცალკევებს რა ფერს ხაზისგან, მხატვრული ხერხების გადაფასებით გვთავაზობს ტილოს ზედაპირის ფეწერული აღწერის  ახალ გზებს, უარს ამბობს ტრადიციულ სახატავ ხელსაწყოებზე -“ფუნჯებს და პალიტრას მირჩევნია ჯოხი, დანა, მწვეთავი თხევადი საღებავი” ამბობს ის. პოლოკი სხვა და სხვა ეტაპზე განიცდიდა რეგიონალიზმის, მიურალიზმის, სურეალიზმის გავლენას, აღნიშნავს კიდეც,  რომ მისი ნამუშევრებში აისახა ქვეცნობიერში დალექილი ეს შთაბეჭდილებები. გვიან ნამუშევრებში პოლოკი უარყოფს ნამუშევრის დასათაურების ტრადიციას და მათ მხოლოდ ნომრებს ანიჭებს, ამით ის მნახველს უბიძგებს დაინახოს ის,  რასაც ნახატი სთვაზობს და არ ეძიოს წინასწარ განსაზღვრული თემის თუ იდეის ელემენტები.
წვეთოვანი დასხმის ტექნიკით შერულებული ნამუშევარი “N5”  165 მილიონ დოლარად არის შეფასებული და  ის თანამედროვე ხელოვნების ყველაზე ძვრიადღირებულ ნახატად რჩება

მე-5 პოზიციაზეა ამადეო მოდილიანის

1917 წელს შექმნილი ტილო “მწოლიარე შიშველი ქალი”.
საინტერესოა, რომ შიშველი ქალების პორტრეტების სერია მოდილიანის 1916-1917 წლების შემოქმედებაში ნაკარნახევი იყო რენესანსის პერიოდის ვენერას გამოსახულებებით.  ქალის სტილიზებული ფიგურა მსხვილი პლანით, ზედხედითაა გამოსახული, მისი კიდურები კი კომპოზიციის სიბრტყის მიღმაა დარჩენილი. ნათელი ფერით გადმოცემული სხეული კონტრასტს ქმნის საწოლის ფონთან და განსხვავებით რენესანსული, მითოლოგიური სიუჟეტის მონაწილე  ვენერასგან, მოდილიანის ქალი თავისუფალია კონკრეტული კონტექსტისგან რაც მეტ ეროტიულობას სძენს მას.
ღირებულება 187 მილიონი დოლარი.

მე-4 ადგილზეა პოლ სეზანის

“ბანქოს მოთამაშეეები”
ნახატი არის თითქოს “არაფერზე”, იგი არ გამოირჩვენა არც სიუჟეტური განვითრებით, არც  კაშკაშა  ფერებით, არც ამბავს გვიყვება და არც მორალს გვიკითხვას, ერთი შეხედვით რთული მისახევდრია რატომ არის ეს  ნახატი გენიალური… თუმცა, მისი დიდოსტატური შესრულება, გამოსახვის ხერხი, რომელსაც  სეზანი იყენებს 2 შეპირისპირებული მხარის, სიტუაციის ინტიმურობის გადმოსაცემად, საოცარ მიზიდულობას ქმნის, მოძრაობა ჩანაცვლებულია ფიგურათა მონუმენტურობით, ფერი-ტონალობით, მაყურებლის კონცენტრირება ხდება მხოლოდ მოთამაშეთა ჟესტზე, პოზაზე  და ერთგვარ უწონადობის მდგომარეობაში შეჰყავს მნახვლი.   “ეს არის ძიება უძრაობისა და თითქმის სკულპტურული მონუმენტურობისა”.
ღირებულება 274 მილიონი დოლარი.

მე-3 პოზიციას იკავებს პოლ გოგენის

ტილო “როდის თხოვდები”, რომელზეც ეროვნულ სამოსში გამოწყობილი ორი ტაიტელი გოგონაა წარმოდგენილი. ნამუშევარი გოგენის პირველ ტაიტურ პერიოდს ეკუთვნის და ზოგიერთი ხელოვნებათმცოდნის აზრით, მასზე გოგენის ტაიტელი ცოლი ტეჰა’ამანა არის გამოსახული.
ნათელი მსუყე ფერები, ფართო მონასმი, სიბრტყობრივი ფიგურები მკაფიო კონტურებით. აქ ყველაფერია რისთვისაც გოგენი ტაიტიზე გაემგზავრა-გადმოეცა დასავლური კულტურის გავლენისგან თავისუფალი ყოფა, ასეთივე თავისუფალი, პრიმიტივისტული ხერხით.
ნამუშევარის ღირებულება დღეს 300 მილიონ დოლარს შეადგენს.

მე-2 ადგილი ეკუთვნის ვილემ დე კუნინგის ტილოს “გაცვლა”

მხატვრის ეს ნამუშევარი მისი შემოქმედების  გვიან პერიოდს განეკუთვნება. განსხვავებით ადრეული პერიოდის ნამუშევრებისგან, სადაც იგრძნობოდა პურისტული გავლენა, აბსტრაქციაში  კი ხშირი იყო ფიგურატიული გამოსახულება, ეს ნამუშევარი მისი შემოქმედების ახალი ფაზის ერთ-ერთი პირველი მაგალითია და სრულად გამოხატავს მხატვრის შემოქმედების ძირითად სტილს-ექსპრესიულ აბსტრაქციონიზმს, ფუნჯის სწრაფი, აგრესიული მონასმებით, მკვეთრი ხაზებითა და ერთმანეთში უხეშად შეჭრილი ფერებით.
ნახატის ღირებულება 317 მილიონი დოლარია.

და ბოლოს, ყველაზე ძვრიდაღირებული ტილო ლეონარდო და ვინჩის

სალვატორ მუნდი” იგივე “მსოფლიოს მხსნელი” რომელიც 1500 წლით თარიღდება.

ტილოზე გამოსახული ქრისტე პანტოკრატორის სახე დიდი ხნის მანძილზე დაკარგულად ითვლებოდა. მისი აღმოჩენის შემდეგ სპეციალისტებს ჰქონდათ ეჭვი, რომ ეს იყო ორიგინალი ვერსიის ერთ-ერთი ასლი (რადგანაც არსებობს შუა საუკუნეებში შექმნილი რამოდენიმე ასლი, მათ შორის უშუალოდ და ვინჩის მოწაფეების მიერ შესრულებული). ტილო ძლიერ დაზიანებული იყო, საღებავებით გადაჩხაპნილი და საჭიროებდა რესტავრაციას. რესტავრაციის პროცესში, ზედა ფენების მოხსნის შემდგომ გამოიკვეთა დეტალები, რომელმაც ცხადყო, რომ ნამუშევარი ორიგინალია.
მოცემული მომენტისთვის ეს არის აუქციონზე გაყიდული ყველაზე ძვირადღირებული ტილო და მისი ღირებულება 450 მილიონი დოლარია.

კალათა

Back to Top