ავტორი: ვიქტორია ქუთათელაძე

ვიქტორია ქუთათელაძე

დამთავრებული აქვს აპოლონ ქუთათელაძის სახელობის თბილისის სახელმწიფო სამხატვრო აკადემია დაზგური გრაფიკა. მხატვართა კავშირის წევრია 1998 წლიდან.
არის ავტორი საქართველოს საიუბილეო და სამახსოვრო მონეტების დიზაინისა:
2006 წლის ფეხბურთის მსოფლიო ჩემპიონატის აღსანიშნავად მოჭრილი 1 ლარის ნომინალის ვერცხლის სამახსოვრო მონეტა (მოჭრის თარიღი – 2004 წელი).
1981 წლის ევროპის თასების მფლობელთა თასის ფინალში თბილისის „დინამოს” გამარჯვების 25 წლის აღსანიშნავად მოჭრილი 2 ლარის ნომინალის ვერცხლისა და ნეიზელბერის საიუბილეო მონეტები (მოჭრის თარიღი – 2006 წელი).
მიღებული აქვს მონაწილეობა არაერთ გამოფენაში: კულტურის ცენტრი „დესპანი“- ჯგუფური გამოფენა; “ქართული ოფორტი”-ჯგუფური გამოფენა; ზურაბ წერეთლის თანამედროვე ხელოვნების მუზეუმი-ჯგუფური გამოფენა ; ქუთათელაძეების საგვარეულოს ნამუშევრების გამოფენა (1998 წ.). ასევე, პერსონალური გამოფენა 1997 წელს.
მონაწილეობდა საერთაშორისო ლითოგრაფიის ვორკშოპში და ლითოგრაფიის საერთაშორისო ფესტივალზე(„ქარვასლა“ 2000 წელი);
სახვითი ხელოვნების საერთაშორისო საშობაო ფესტივალზე მისმა ნამუშევარმა დაიმსახურა პრემია დებიუტისათვის. ვიქტორიას ნამუშევრები ინახება კერძო კოლექციებში საქართველოში და საზღვარგარეთ. ამჟამად დაკავებულია როგორც მხატვრობით, ისე ფოტოგრაფიით.

მასალის გამოყენების პირობები.