ავტორი: ტარიელ სოზიაშვილი

ტარიელ სოზიაშვილი

მხატვარი, დაამთავრა თბილისის სამხატვრო აკადემია. მუშაობს  ფერწერაში, ქვაში, ხეში.
მონაწილეობდა არაერთ ჯგუფურ გამოფენაში გალერეებში “ხელოვნების ჩიხი”; “ეროვნული გალერეა”. ჰქონდა 2 პერსონალური გამოფენა “ქარვასლაში” და “ძველ გალერეაში”.
მისი ნამუშევრები წარმოდგენილი იყო გერმანიაში ციფრულ გამოფენაზე  „Voilá“  2020 წელს.
მხატვრის ნამუშევრები ინახება მსოფლიოს მრავალ ქვეყანაში: ავსტრია, გერმანია, ინგლისი, შვედეთი, ესტონეთი, ამერიკის შეერტებული შტატები…
მხატვრის შემოქმედების მთავარი ლეიტმოტივი  წარსულსა და თანამედროვეობასთან ინტუიციური პარალელების გავლების ჰარმონიული ძიებაა და ამ მოცემულობებში თავად ჰარმონიის, როგორც ასეთის, აღმოჩენა.
“რაც უფრო ბნელია წყვდიადი, მით მეტად ჩანს ციცინათელა”, სწორედ ასე შემოდის მის ნამუშევრებში შუქი, რომელიც ზოგჯერ პოლიქრომულია,ზოგჯერ მონოქრომული და ნახატის მთავარ იდეურ ცენტრზე ახდენს კონცენტრაციას.
მხატვრის ტილოებში ყოფიერების სიმსუბუქე და სიმძიმე ერთდრიულად შეიძლება დაინახოს მაყურებელმა, ის ერთგვარი ნაზავია წლების მანძილზე დაგროვილი გამოცდილების, შთაბეჭდილებების და განცდებისა რაც მის ნამუშევრებს განსაკუთრებულს ხდის.

მასალის გამოყენების პირობები.