ავტორი: თამთა ჯომარდიძე

თამთა ჯომარდიძე

მხატვარი, რომელიც პირველადი პროფესიით იურისტია, თუმცა დაგროვილმა ემოციამ და ამ ემოციის გადმოცემის დიდმა სურვილმა და ნიჭმა, მისი ერთხელ არჩეული გზის რადიკალური ცვლილება გამოიწვია. თამთამ პროფესიული კვალიფიკაცია ამერიკაში მოღვაწე მხატვრის, პატრიცია ინგრამის სტუდიაში გაიარა, თუმცა მისი, როგორც პროფესიონალი მხატვრის განვითარებასა და მხატვრული სტილის ჩამოყალიბებაში დიდი წვლილი მხატვარ  ია აფციაურს მიუძღვის.  2021 წელს, კონკურსში “ რუსული ოკუპაცია 1921 წლიდან დღემდე” გამოფენილ 200-მდე ნამუშევარში თამთას ნამუშევარი ათეულში შევიდა. იგი ერთნაირი წარმატებით მუშაობს სხვადასხვა ტექნიკაში, მასთან მზე ძალიან კაშკაშაა, ზღვა კი საოცრად ლურჯი, განწყობა საოცარი სიზუსტით აღწევს მნახველამდე. თამთას მხატვრული გაფორმებით გამოცემულია არაერთი წიგნი, მათ შორის საბავშვო ლიტერატურა. მისი ნახატები ბევრ ქართულ და უცხოურ ოჯახში ამშვენებს კედლებს.

მასალის გამოყენების პირობები.