ავტორი: სოფო კანდელაკი

სოფო კანდელაკი

მხატვარი, ხატავს ბავშვობიდან. თეატრალური უნივერსიტეტის დასრულების შემდგომ, სადაც მხატვარ-დეკორატორის პროფესიას დაეუფლა, ჰქონდა დიდი პაუზა, თუმცა, პანდემიის დროს, როგორც სხვა ბევრი შემოქმედი, ისევ დაუბრუნდა შემოქმედებით პროცესს. არის მხატვართა ლიგის წევრი, ხშირად იღებს მონაწილეობას ლიგის მიერ მოწყობილ თუ სხვა ჯგუფურ გამოფენებში. მისი ნამუშევრები დაბეჭდილა საგამოფენო კატალოგებში.
ხატვის სტიმულს ის ადამიანები და გარემო აძლევს სადაც ტრიალებს, ამდენად მისი შემოქმედება სრულად ასახავს მის გარშემო მიმდინარე პროცესებს. როგორც თავად აღნიშნავს, მხოლოდ მუზა საკმარისი არაა, მუზას განწყობამ უნდა შეუწყოს ხელი…
ხატვისას ხშირად მიმართავს სხვადასხვა ტექნიკას და სტილს, ეხება ყველა თემას. სოფოს ნამუშევრებში იგრძნობა ერთგვარი ლირიკულობა თემის და მოცემულობისა, თბილი შუქით გაჯერებული მისი ნამუშევრები სევდანარევ და იმავდროულად ღირებულებების მუდმივობით განპირობებულ საოცარ განწყობას ქმნის გარშემო.
სოფოს ნამუშევრები ბევრი კოლექციონერის კოლექციას ამშვენებს. 

მასალის გამოყენების პირობები.