ავტორი: ნინო კახეთელიძე

ნინო კახეთელიძე

მხატვარი, დაამთავრა იაკობ ნიკოლაძის სახელობის სახელმწიფო ინსტიტუტი ქანდაკების, არქიტექტურის, გრაფიკისა და სახვითი ხელოვნების სპეციალობით, მოგვიანებით კი, აპოლონ ქუთათელაძის სახელობის სამხატვრო აკადემია. მუშაობს გობელენზე, ტექსტილზე, არის მოდის დიზაინერი  (ინტერიერი, რბილი ავეჯი).
ჰქონდა არაერთი ჯგუფური და პერსონალური გამოფენა-
საქართველოში: 1984-89 წლები ხელოვნების აკადემია; ხელოვნების სასახლე; ისტორიის მუზეუმი.
საზღვარგარეთ: გალერეა “satchi”, გილფორდი-დიდი ბრიტანეთი; კულტურის სახლი ჰამერსმითი-დიდი ბრიტანეთი; გალერეა “რიჩმონდ ჰილლ”, ლონდონი; 1996 წელს ინგლისური კომედიის კლუბი; 1998-1999 წლები “ადა გალერეა”-ბრიუსელი, ბელგია.
ნინო მუშაობს მუდმივ გამოფენებზე ლონდონში ისეთ გალერეებში როგორებიცაა: “the crypt gallery”, “st martin in the fields” და “ebury gallery”.
მხატვარი თანამშრომლობს გალერეასთან “saatchi’, მისი ნამუშევრების ნახვა შესაძლებელია გალერეის ვებგვერდზე მხატვრის პროფილში – https://www.saatchiart.com/account/profile/1279387
“ხელოვნება წარმოადგენს ადამიანის სურვილს სრულყოფილებისკენ… ხელოვნება კომუნიკაციაა, რომელიც ტილოდან მაყურებლის თვალით, მის გულში გადადის, სადაც ტოვებს ლამაზ ანაბეჭდს…”
ნინოს ნამუშევრები გასაოცარი სიზუსტით გადმოსცემს ხელოვანის მიერ დანახულ და ნაგრძნობ საგნებს, მოვლენებსა და განწყობებს… ფერის სისავსე და კომპოზიციური სრულყოფილება მნახველზე საოცარ შთაბეჭდილებას ახდენს.  მრავალ ფერად, დეკორატიულ დეტალად გადმოცემული საგნების სიღრმით გამოწვეული ემოცია, განწყობა გადამდებად მოქმედებს მაყურებელზე. ნინოს ნამუშევრები არაერთი ქართველი თუ უცხოელი ხელოვნების მოყვარულის  კოლექციას ამშვენებს.

მასალის გამოყენების პირობები.