ავტორი: ნინა ვადაჭკორია

ნინა ვადაჭკორია

მხატვარი, მართალია მას ვიცე-პოლკოვნიკის წოდება აქვს, მაგრამ შინაგანმა გარდატეხამ და ნიჭმა, რომელიც ლატენტურად მასში ყოველთვის იყო და ხელოვნების ამა თუ იმ სფეროში (ფოტოგრაფია,handcraft, ლექსები..) მუდმივად მჟღავნდებოდა, აიძულა გაეხადა ოფიცრის მუნდირი და ფუნჯი, რომელიც მან ერთხელ აიღო, აღარასდროს გაეშვა ხელიდან.
ამბობს, რომ ხელოვნებაში საკუთარი ფერი და ხმა იპოვა და ეს მართლაც ასეა-რთულია მისი ნამუშევრები სხვის შემოქმედებაში აგერიოს. საკუთარ შემოქმედებით მიმდინარეობას სახელიც თავად დაარქვა- „ქლაუდიზმი“, რადგან ფერები, მის გონებაში ერთგვარ ღრუბლებად კონცენტრირდება და ნამუშევართა სიუჟეტიც, არა გარემოდან, არამედ შინაგანი სამყაროდან მოდის, თუმცა ამ სამყაროს ნაწილი, სწორედ გარედან მიღებული შთაბეჭდილებების ინდივიდუალური გადმოცემაა.
უყვარს ექსპერიმენტები, ოსტატურად მანიპულირებს ფერით და ფორმით. Carpe Diem ! ეს მისი შემოქმედების ერთგვარი დევიზია, რაც ლაიტმოტივად გასდევს ნინას ნამუშევრებს.

პერსონალური გამოფენები:
2022 წელი – Silk Factory Gallery
2023 წელი – Silk Factory Gallery
ჯგუფური გამოფენები 2021-2023 წლები:
Gallery Salon Halit Art – ბერლინი
ნათელა იანქოშვილის სახლმუზეუმი
საქართველოს სახვითი ხელოვნების მუზეუმი
საქართველოს ეროვნული ბიბლიოთეკა
მერაბ ბერძენიშვილის სახელობის საერთაშორისო კულტურის ცენტრი „მუზა“ ხელოვნების ფესტივალი აბრეშუმის ქარხანაში

ნინას ნამუშევრები შესულია საგამოფენო კატალოგებში, ასევე , გამოცემულია მისი პერსონალური კატალოგი. მხატვრის ნახატები ინახება კერძო კოლექციებში საქართველოსა და საზღვარგარეთ.

მასალის გამოყენების პირობები.