ავტორი: ქეთევან კალანდაძე

ქეთევან კალანდაძე

დაამთავრა სოლიკო ვირსალაძის სახელობის სამხატვრო სკოლა, მოგვიანებით იყო ფერწერის კურსები ნინო მირიანაშვილთან, მერაბ კაკაბაძესთან. პერსონალური გამოფენები გალერეაში “ბაია”; 2018 წელს “Dive x fabrika”; “Dots fashion brand store”. 2019 წელს კაფე “ორნამენტი”.
შთაგონებისთვის არ სჭირდება რაიმე განსაკუთრებული მოვლენა, სულ მცირე დეტალიც შესაძლებელია გახდეს მისთვის ინსპირაციის წყარო. ქეთევანისთვის ხატვა თვითგამოხატვის საშუალებაა და ამ პროცესში ჰპოვებს თავისუფლებას, არ აღიარებს დოგმებს და შეიძლება წესებიც დაარღვიოს.
ქეთევან კალანდაძის ნამუშევრებში რეალობა იმდენად ხელშესახებია, რომ ზოგჯერ შესაძლებელია სურეალისტურადაც მოგვეჩვენოს. ფორმები მძიმე და უძრავია, ფერი სუფთა და მსუყე, მისი ნამუშევრები ერთგვარი უძრაობისა და სტაბილურობის განცდას აღუძრავს მნახველს.
ქეთევან კალანდაძის ნამუშევრები ბევრი ქართული და უცხოური ოჯახის პირად კოლექციას ამშვენებს.

მასალის გამოყენების პირობები.