ავტორი: გოდერძი ოთარაშვილი

გოდერძი ოთარაშვილი

იმ ხელოვანთა რიცხვს მიეკუთვნება, რომელშიც შემოქმედებითმა ნიჭმა ცხოვრების მოგვიანებით ეტაპზე იჩინა თავი.
მხატვრის ნამუშევრები რთული კომპოზიციური სიუჟეტებით გამოირჩევა, გარდა იმისა რომ უამრავი მცირე დეტალისგან შედგება, თითოეული დეტალი ცალკეული ფერითაა წარმოდგენილი და ყველა ეს ფერი და დეტალი საოცარი ჰარმონიით ურთიერთქმედებს ერთიმეორესთან. ერთი შეხედვით ქაოსური, მაგრამ ერთ მთლიანობაში მოქცეული კოსმოგონიური სივრცე საოცრად ინტერაქციულია მნახველისთვის. ხატვისას იყენებს ფლუორესცენტულ (ნათების ეფექტის მქონე) საღებავს, ამდენად მისი ნახატები სიბნელეშიც კი ხიბლავს მნახველს, ტყუილად არ უწოდეს მის შემოქმედებას “იბერიული საიდუმლო” , ესაა სამყარო-სამყაროში.
გოდერძი ოთარაშვილის პერსონალურ გამოფენას თანამედროვე ხელოვნების მუზეუმში (moma) საზოგადოების მხრიდან დიდი გამოხმაურება მოჰყვა, “უდიდესი ოსტატი, რომელიც კარგად ფლობს თითოეულ ნიუანსს და კარგად იმორჩილებს მასალას, დიდი მომავალი აქვს, ასეთი უნიკალური ნამუშევრები იშვიათია როგორც ჩვენს ქვეყანაში, ისე საზღვარგარეთ. ესაა უდიდესი შრომით და კულტურით სავსე ნამუშევრები, ბრავო მაესტრო!” – გია გუგუშვილი.
გოდერძი ოთარაშვილის ნამუშევრები ინახება კერძო კოლექციებში საქართველოსა და საზღვარგარეთ.
ვრცლად მხატვრის შესახებ :https://www.youtube.com/watch?v=alLk_YZMff8&t=65s

მასალის გამოყენების პირობები.