დაგვიკავშირდით: (+995) 599 040 999

ავტორი: გიორგი ტაბლიაშვილი

გიორგი ტაბლიაშვილი

დაამთავრა აპოლონ ქუთათელაძის სახელობის თბილისის სახელმწიფო სამხატვრო აკადემია- გამოყენებითი ხელოვნების ფაკულტეტი. მუშაობს ფერწერაში, გრაფიკაში, კერამიკაში, ასევე წიგნის ილუსტრირებისა და გაფორმების მიმართულებით. შექმნილი აქვს კერამიკულ ნაკეთობათა კოლექცია. მის მიერ გაფორმებულია არაერთი წიგნი, მათ შორი 2018 წელს, გამომცემლობა“არტანუჯის” მიერ გამოცემული”ვეფხისტყაოსანი”.
გიორგი დამფუძნებელი და ორგანიზატორია ქალაქ მცხეთის საერთაშორისო სამხატვრო ფესტივალისა „ხატე საქართველოსთვის“. მის მიერ იქნა ასევე ორგანიზებული ციფრული ხელოვნებისა და ფოტოგრაფიის თბილისის პირველი საერთაშორისო გამოფენა ისტორიის მუზეუმში. ის აქტიურადაა ჩართული სახელოვნებო სფეროში მიმდინარე პროცესებში და ყოველწლიურად მონაწილეობს საქართველოსა და საზღვარგარეთ მოწყობილ გამოფენებსა თუ არტ-ბაზრობებზე.
მისი ნამუშევრები, როგორც პერსონალურად, ისე ჯგუფურად წარმოდგენილი იყო ისეთ საგამოფენო სივრცეებში როგორიცაა ლუვრის მუზეუმი პარიზში, გუნსანის ხელოვნების ცენტრი კორეაში, გალერეა “BAROTTI” კლაიპედაში, “COLORIDA ART GALLERY” ლისაბონში, “CASA 5″ ტავირაში. ქალაქ კიანჩიანოს ხელოვნების მუზეუმი (იტალია). „ასროპა“- ვენა, ავსტრია. საერთაშორისო არტ ბაზრობა ART 3 F. ასევე, ქართული კულტურის დღეებისთვის მიძღვნილ გამოფენაზე ფრანკფურტში, ფლორენციაში-”საქართველო კულტურათა გზაგასაყარზე”, გალერეა “NEW ART”- თბილისი, გალერეა “სახლი” -თბილისი.
მოპოვებული აქვს მთავარი ჯილდო ციფრული ხელოვნების ინსტიტუტის ნახატების პირველ საერთაშორისო კონკურსზე, რომელიც ქალაქ სიეტლში (აშშ) ჩატარდა .
გიორგის ნამუშევრები წარმოდგენილი იყო ილუსტრატორთა საერთაშორისო სიმპოზიუმზე რუმინეთში; კიშინოვის საერთაშორისო ბიენალეზე მოლდოვის ეროვნულ მუზეუმში; ტავუშის საერთაშორისო სიმპოზიუმზე ქალაქ იჯევანის სამხატვრო გალერეაში და სხვა…
მისი ნამუშევრები დაცულია კერძო კოლექციებში, როგორც საქართველოში, ისე საზღვარგარეთ.

სულ 11 ნამუშევარი

კალათა

Back to Top