დაგვიკავშირდით: (+995) 599 040 999

ავტორი: გიორგი ახვლედიანი

გიორგი ახვლედიანი

ახვლედიანთა ცნობილი გვარის კიდევ ერთი წარმომადგენელი, დიდი ელენეს შთამომომავალი. დაამთავრა თბილისის სამხატვრო აკადემია. 1994 წელს ჩართეს MFA ხარისხის კონტინგენტის პროგრამაში აღმოსავლეთ კაროლინის უნივერსიტეტის სამხატვრო სკოლაში გრინვილში, ჩრდილოეთ კაროლინა. სწავლობდა ასევე ტულეინის უნივერსიტეტში, ნიუ ორლეანში, ლუიზიანა.
არის საქართველოს მხატვართა და საქართველოს დიზაინერთა კავშირის წევრი. 1983 წლიდან არის  საქართველოს ხალხური ხუროთმოძღვრებისა და ყოფის მუზეუმის მხატვარ-რესტავრატორი ასევე  საგანმანათლებლო და საზოგადოებასთან ურთიერთბის კოორდინატორი; თანაშრომლობდა  “სილქ როუდ გრუპ თრეველთან”.
მუშაობს აკვარელით, პასტელით, კარგად ფლობს სხვადასხვა მასალაზე გრავიურის ტექნიკას, კერძოდ: ლინოლეუმზე ჭრა (linocut), ქსილოგრაფია (woodcut), ოფორტი (etching), ლითოგრაფია (lithography).
გიორგის თითოეული ქსილოგრაფია იბეჭდება ბზის განივად მოჭრილი ნაჭრიდან რომელზეც წინასწარ არის ამოკვეთილი ნახატი სპეციალური შტიხელებით, რაც სამუშაო პროცესისგან დიდ ძალსხმევას და ზედმიწევნით სიზუსტეს  მოითხოვს.
მის შემოქმედებას კარგად იცნობენ არა მხოლოდ საქართველოში, არამედ საზღვარგარეთ. გიორგი ახვლედიანის  ნამუშევრები ინახება საქართველოში აკრედიტირებული ბევრი დიპლომატის კერძო კოლექციაში, საქართველოში შეერთებული შტატების თითქმის ყველა ელჩის პირად კოლექციაში. აგრეთვე ისეთ ცნობილ პოლიტიკურ, სამხედრო და საზოგადო მოღვაწეებთან როგორებიც არიან   ზბიგნევ ბზეჟინსკი, ჯონი და ოთარ შალიკაშვილები, კოსმონავტი ბაზ ოლდრინი, ბრიტანელი მსახიობები ალან რიკმანი და მარიამ დ’აბო და სხვები…

მასალის გამოყენების პირობები.

სულ 16 ნამუშევარი

კალათა

Back to Top