ავტორი: ერეკლე კერესელიძე

ერეკლე კერესელიძე

მხატვარი, სწავლობდა აპოლონ ქუთათელაძის სახელობის თბილისის სამხატვრო აკადემიაში, მონუმენტური პლასტიკური ხელოვნების, მოგვიანებით კი, ქანდაკების ფაკულტეტზე. ხელოვნებისადმი ინტერესს ადრეული ბავშვობიდან ამჟღავნებდა, ცდილობდა მის გარშემო არსებული რეალობა ნახატებში და ნაძერწ ფიგურებში აესახა, რამაც მისი პროფესიის არჩევისას გადამწყვეტი როლი შეასრულა. თუმცა, მხატვრის აკადემიაში სწავლისას ქვეყანაში არსებულმა რთულმა სოციო-პოლიტიკურმა მდგომარეობამ ერეკლე, სხვა ბევრი ხელოვანის მსგავსად, აიძულა დაეტოვებინა ქვეყანა. საზღვარგარეთ ყოფნისას მას არასდროს გაუწყვეტია კავშირი საკუთარ პროფესიასთან, ერეკლეს მიერ შექმნილია არაერთი წიგნის ილუსტრაცია (მაგ. გიორგი სააკაძე,ავტორი გოგი თარხან-მოურავი). მხატვარი აქტიურად მუშაობს რამდენიმე მიმართულებით, ქმნის როგორც სიუჟეტურ, ისე აბსტრაქტულ ნამუშევრებს, ფიქრობს, რომ ყველაფერი წინ არის, მთავარი სათქმელი ჯერ კიდევ არ უთქვამს და არ წყვეტს შემოქმედებით ძიებას.

მასალის გამოყენების პირობები.