ავტორი: ანა ბოტკოველი

ანა ბოტკოველი

მხატვარი, დაამთავრა აპოლონ ქუთათელაძის სახელობის თბილისის სახელმწიფო სამხატვრო აკადემია, სახვითი ხელოვნების ფაკულტეტი.  არის ფერმწერი, ქმნის  როგორც დაზგურ, ისე მონუმენტური ფერწერის შესანიშნავ ნიმუშებს. ჰქონდა არაერთი ჯგუფური და პერსონალური გამოფენები.
პერსონალური: მხატვრის პირველი პერსონალური გამოფენა 2006 წელს, მხარეთმცოდნეობის მუზეუმში გაიმართა, მოგვიანებით კი, 2015 წელს, ხელოვანის საკუთარ სახელოსნოში.
ჯგუფური: 2010 წელი –  სამხატვრო აკადემიის მიერ ორგანიზებული ჯგუფური გამოფენა; კომპანია ტენტორიუმის საგამოფენო სივრცე.
2011 წელს თბილისობის დღესასწაულისადმი მიძღვნილი გამოფენა ღია ცის ქვეშ.
ანა ბოტკოველი ავტორია რამდენიმე წიგნის ყდისა და ილუსტრაციების, კერძოდ: ბექა გელაშვილის “სიზმრიდან გადმოსულები”, ”გოგონა ცრემლიანი თვალებით”, “ფერადი ქოლგის ქვეშ”.
ანას მიერ შექმნილი მონუმენტური ფერწერის ნიმუშები  ამშვენებს არაერთი საზოგადოებრივი სივრცის კედლებს, მათ შორისაა სასტუმროები, საგანმანათლებლო დაწესებულებები, რესტორნები, ასევე, ანას მოხატულია ბულაჩაურის კაშხლის კედლები.
ანა ბოტკოველის შემოქმედება ინსპირაციას გარემოსგან იღებს, ხატავს იმას, რასაც ხედავს, მაგრამ მის მიერ დანახული მხატვრის ფუნჯის პრიზმაში იმდაგვარად გარდატყდება და ისეთ ფერებად იშლება, რომ ერთი შეხედვით ტრივიალური ნამდვილი ხელოვნების ნიმუშად გვევლინება.
ამჟამად ანა ცხოვრობს და მოღვაწეობს  საფრანგეთში და მისი ნამუშევრები მრავალი ხელოვნების მოყვარულის პირად კოლექციას ამშვენებს.

მასალის გამოყენების პირობები.