ავტორი: ვადიმ მეიფარიანი
ვადიმ მეიფარიანი
თანამედროვე მხატვარი, რომელმაც განათლება იაკობ ნიკოლაძის სამხატვრო სასწავლებელში მიიღო, მოგვიანებით კი სწავლა ილია გლაზუნოვის სახელობის სამხატვრო აკადემიაში ფერწერის რესტავრაციის განხრით განაგრძო. ვადიმ მეიფარიანის შემოქმედება ჰარმონიული ნაზავია სხვადასხვა ფერწერული მიმართულებებისა, მის ნამუშევრებში შეიძლება შევხვდეთ, როგორც კლასიკური, რეალისტური ჟანრის და შესრულების მანერის მქონე ნამუშევრებს, ისე იმპრესიონისტული, სიურრეალისტური და ექსპრესიონისტული ხასიათის მატარებელ ერთეულებს. მის ნახატებში შუქჩრდილი დიდ როლს ასრულებს, საოცარია ფერის მისეული შეგრძნება, დეტალების დამუშავების ხერხი იმდაგვარად, რომ სიუჟეტის გადმოცემისას მნახველს, ვიზუალურ ეფექტზე წინ ემოცია უჩნდება. ხელოვანს ჰქონდა არაერთი პერსონალური გამოფენა, მისი ნამუშევრები ინახება , როგორც საქართველოში, ისე საზღვარგარეთ.
