ავტორი: სალომე გულორდავა

სალომე გულორდავა

მხატვარი, დაამთავრა აპოლონ ქუთათელაძის სახელობის თბილისის სამხატვრო აკადემია, დაზგური ფერწერის განხრით, ამჟამად არის მაგისტრანტი, სახვითი ხელოვნების მიმართულებით.
სალომეს მონაწილეობა აქვს მიღებული მრავალ გამოფენაში, კერძოდ:
პერსონალური გამოფენები:
2019 წელი, გალერეა “WeSpace”, იტალია
2019 წელი, გალერეა “Salvatore Serio” იტალია
2018 წელი ჰოუმარტი; არტ კაფე ტიფლის ბრანჩი;
ჯგუფური გამოფენები:
2018 წელს ექსპრო ჯორჯია; პლენერ ფესტივალი;
2017 წელი გალერეა “Kunstverein Hof e. V”, ჰოფი, გერმანია; საქართველოს პარლამენტის ეროვნული ბიბლიოთეკა;
2016 წელი- სარეაბილიტაციო ცენტრი „კამარა”-ეროვნული ბიბლიოთეკა; თიბისი არტ გალერეა;
2012 წელს არტ გალერეა ვანდა;
2011 წელი საპატრიარქოს ახალგაზრდული ცენტრი. ამავე წელს სალომე ფინალისტების რიცხვში აღმოჩნდა  კონკურსში “ღმერთი სამშობლო ადამიანი”, სადაც 600-მდე ხელოვანმა მიიღო მონაწილეობა. ფინალისტი იყო ასევე კონკურსში “დახატე რასაც გრძნობ”, მაშინ ის მონაწილეთა შორის ყველაზე ახალგაზრდა  იყო.
მისი ნამუშევარი, “მუსიკალური იმპროვიზაცია”, დაიბეჭდა 2020 წლის ლიტერატურ პუბლიცისტურ კრებულში “დებიუტი”.
2020 წელს, იტალიაში, პერსონალურ გამოფენაზე მისი პიროვნება და შემოქმედება გალერეის დირექტორმა უილი სანტანჯელომ ასე წარუდგინა საზოგადოებას : “გოგონა შავი ზღვის ქვეყნიდან პატარა ჩემოდნით და დიდი შედევრებით”..
სალომეს ნამუშევრები გამოირჩევა მდიდარი კოლორიტით და შესრულების მაღალი ხარისხით, ზედმიწევნითაა დამუშევბულია სრული სამხატვრო ზედაპირი, მის ნახატებში იგრძნობა ფსიქო-ემოციური ფაქტორების ღრმა წვდომა, რაც მაყურებელს გულგრილს არ ტოვებს.
სალომე აფხაზეთიდანაა და თუმცა ის თბილისშია დაბადებული, მის შემოქმედებაში ხშირია აფხაზეთთან დაკავშრებით ალეგორიული სიუჟეტები, ის რაც მას აფხაზეთზე სმენია და რაც მის გენეტიკური მეხსიერების გამოძხილია. ხშირად მიმართავს წარმოსახვას, იმპროვიზირებს, რითაც მის ნამუშერებს ერთგავრ მისტიკას მატებს…

მასალის გამოყენების პირობები.