ავტორი: მარიამ ბაიდოშვილი

მარიამ ბაიდოშვილი

მხატვარი, ფერმწერი, დაამთავრა აპოლონ ქუთათელაძის სახელობის თბილისის სამხატვრო აკადემია. ჰქონდა ცხრა პერსონალური და უამრავი ჯგუფური გამოფენა სხვადასხვა გალერეაში: “ვაკე”; “სფუმატო”; საქართველოს პარლამენტის საგამოფენო სივრცე; თბილისის საკრებულოს საგამოფენო დარბაზი; საჯარო ბიბლიოთეკის საგამოფენო სივრცე; “არტტენტი”; გალერეა Iart Tbilisi  და სხვა..  ასევე:
2019 – palazzo zenobio- ვენეცია
2018 – ქართული კულტურის დღეები – ესპანეთი
2021 – ქალთა საერთაშორისო ციფრული გამოფენა
2021 – პარიზის ციფრული გმოფენა
მარიამის ნამუშევრები შესულია თითქმის ყველა გამოფენის კატალოგში, მიღებული აქვს მადლობის არაერთი სერთიფიკატი, ასევე, არის პიერ ჰესლერის კონკურსის ლაურეატი.
მარიამის შემოქმედება გამოირჩევა ფერთა საოცარი სინთეზით, ხატვისას უპირატესობას ლურჯ ფერს ანიჭებს, როგორც თავად ამბობს, მისი შემოქმედების თემატიკა ყოველდღიური შეგრძნებებით და შთაბეჭდილებებით არის გაჯერებული, თუმცა, გარემოს მისეული ხედვა, გადმოცემის ხერხი, იმდენად განსხვავებული და შთამბეჭდავია, რომ ერთი შეხედვით, არაფერი აქვს საერთო ყოველდღიურობასთან და გასაოცარი მუხტით ავსებს მნახველს.
მარიამ ბაიდოშვილის ნამუშევრები ინახება კერძო კოლექციებში მსოფლიოს სხვადასხვა ქვეყანაში: აშშ, სამხრეთ კორეა, იაპონია, ინგლისი, ურუგვაი, რუმინეთი, რუსეთი, ჩინეთი…